Asif Atanın Mütləqə İnam Ocağı Nurtəkin Atalıya bacısının ərinin ölümü ilə bağlı başsağlığı verir. Evindən işıq əskilməsin. Yurdu, Ulusu var olsun.
Zərdüşt Əsilliyik – İşıqçılıq həsrətlisiyik. Qaranlığa alışmadıq, «20 Yanvar» yaratdıq. Babək Əsilliyik – Azadlıq həsrətlisiyik. Əsarətə dözmədik – «20 Yanvar» yaratdıq. Dədə Qorqud Əsilliyik – Mərifət təşnəsiyik. Təhqirə dözmədik – «20 Yanvar» yaratdıq. Nəimi–Nəsimi Əsilliyik – Daxili Kamillik həsrətlisiyik. Cəhalətin zülmünə dözmədik – «20 Yanvar» yaratdıq.
Tarix həmişə əbədiliyə, kamilliyə, sonsuzluğa can atıb.Bu baxımdan o, ruhanidir.Tarix həmişə nisbini, qeyri-kamili, sonlunu təsdiq edib.Bu baxımdan o, qeyri-ruhanidir.Tarixdə nisbilik – Mütləqilik, sonlu – sonsuz, maddi – mənəvi biçimdə təzahür edib, qeyri-ruhanilik ruhanilik şəklində təqdim olunub.Tarixdə ruhani niyyətlə qeyri-ruhani gerçəklik, ruhani məqsədlə qeyri-ruhani nəticə arasında daim uçurum olmuşdur.Tarixdə möhtəşəmlik, qüdrət və tərəqqi adıyla qəddarlıq, amansızlıq, […]
